Reuters: Башар Асад ўз яқинларини Дамашқдан қочиши ҳақида огоҳлантирмаган

  • Nashr qilingan sana : 14/12/2024 soat 10:11

Ҳокимиятдан ағдарилган Сурия президенти Башар Асад мамлакатни тарк этишидан бир неча соат олдин махсус хизматлар ва армиянинг 30 га яқин юқори мартабали ходимларини йиғиб, уларга Россиядан ҳарбий ёрдам аллақачон етиб келганини айтган, деб хабар берди Reuters.
Агентлик суҳбатдошларига кўра, Асад иш куни охирида офис менежерига уйга кетаётганини айтаган, лекин бунинг ўрнига аэропортга йўл олган.
Нашрнинг ёзишича, у укаси Маҳерни ҳам огоҳлантирмаган, у охир-оқибат вертолётда Ироққа учиб кетган ва у ердан гўёки Москвага йўл олган.
“Асаднинг рафиқаси Асма ва уч фарзанди у қочиб кетган пайтда аллақачон Россияда бўлган”, деб ёзади Reuters.